Гөлназ Асаеваның әнисе – Татарстанның атказанган артисты Лилия Биктимирова кыяр тозлап, хастаханәгә эләккән. Бу хакта җырчы социаль челтәрләрдә үзе хәбәр итте.
Лилиянең кыяр тозлаганда авыр кәстрүл күтәрүдән умырткалыгындагы бүсере кузгалган. Аңа 17 көн хастаханәдә дәваланырга туры килгән.
– Арагызда «нәрсә булды» дип сораучылар да бар. 30 литрлы кәстрүл күтәреп... Әлеге дә баягы кыяр тозлаганда инде... Нәрсәгә кирәктер ул миңа, күпме интектем шуның белән. Күтәрдем дә, кәстрүл бер якка очты, мин «сындым» гына. Бүсер бик хәшәрәт әйбер икән, әгәр проблемаларыгыз бар икән, бер әйбер дә күтәрмәгез. 3-4 ел белмәгән идём арка авыртуның нәрсә икәнен...» – дигән җырчы.
